“Roedd gweithio â Gwell Swyddi, Gwell Dyfodol yn broses broffesiynol a chynhyrchiol. Fe dderbyniais help gan y tîm i wneud ceisiadau am swyddi, ac fe lwyddais i sicrhau cyflogaeth. Dw i’n sicr yn argymell eu gwasanaeth ac rwy’n ddiolchgar iawn am yr holl gymorth dw i wedi ei derbyn”.
Neale
“Mae Gwell Swyddi, Gwell Dyfodol wedi darparu cymorth anhygoel wrth i mi archwilio gwahanol lwybrau gyrfa. O’r cychwyn cyntaf, maen nhw wedi gwneud popeth o fewn eu gallu i wneud i mi gyflawni fy mhotensial llawn. Yn amlwg, rhaid i mi weithio i dalu biliau, ond rydw i wedi darganfod fy angerdd ac yn gweithio’n galed i sicrhau fy ngyrfa ddelfrydol.”
Asha
“Roeddwn i’n teimlo rhyddhad ar ôl derbyn cymorth oherwydd fe wnaeth fy rhoi ar ben ffordd o ran yr hyn roeddwn i am ei gyflawni mewn bywyd. Dw i wedi bod yn siarad yn wythnosol â fy Hyfforddwr Gyrfa dros y misoedd diwethaf; rydyn ni wedi ymgeisio am swyddi gyda’n gilydd, ac rydw i wedi derbyn help i baratoi ar gyfer cyfweliadau. Dw i wir wedi dechrau magu hunanhyder.”
Messi
“Diolch i hyfforddwyr anhygoel Gwell Swyddi, Gwell Dyfodol, rydw i wedi llwyddo i sicrhau rôl ar gyfer y flwyddyn newydd ac rwy’n gyffrous i ddechrau pennod newydd o’m bywyd. Rwy’n sicr yn argymell eu gwasanaeth. Ni fyddwn i wedi bod yn ddigon hyderus i ymgeisio am y rôl heb eu cymorth a’u cefnogaeth barhaus.”
Claire
Beth yw’r cymorth a gynigir?
Darperir ein cymorth drwy ddulliau hyblyg, sy’n cydnabod gofynion unigol ac yn ymateb iddynt. Byddwch yn gweithio gyda Hyfforddwr Gyrfa penodol, a fydd yn gweithio gyda chi i ddatblygu a chyflwyno rhaglen gyflogadwyedd y bydd wedi’i deilwra i gwrdd â’ch anghenion a’ch amcanion penodol chi. Byddwn yn gweithio gyda chi gam wrth gam i sicrhau’r cyfle perffaith ar eich cyfer ac yn eich cefnogi cyhyd ag y bo angen ar ôl ichi sicrhau swydd, er mwyn ichi wneud y mwyaf o’ch cyfle i symud ymlaen ymhellach o fewn eich swydd.
Mae rhaglen pob unigolyn yn unigryw ac wedi’i theilwra yn arbennig ar gyfer amrywiaeth eang o anghenion ac amcanion gwahanol. Mae’r gweithgareddau canlynol yn enghraifft o’r math o gefnogaeth a gynigir:
- hyfforddi a mentora un-i-un;
- cyflogadwyedd a sgiliau chwilio am swydd;
- cymorth recriwtio a pharatoi ar gyfer cyfweliadau;
- sgiliau ac ardystiadau sy’n benodol i’r swydd;
- archwilio cyfleoedd hyfforddi neu addysg.
Mae’ rhaglen hefyd yn gweithio’n uniongyrchol â chyflogwyr i greu a pharu unigolion gyda chyfleoedd gwaith.
Dechreuwch eich taith
Cefnogi unigolion i gael gafael ar gymorth ESOL
Reach
Wedi’i leoli yn ein Hyb Cyflogaeth yn Ffordd y Brenin, mae REACH+ yn bwynt cyswllt canolog i unrhyw un yn Abertawe sy’n dymuno cael mynediad i ESOL. Rydym yn asesu pob person yn unigol ac yn eu cyfeirio at gwrs perthnasol mor gyflym a hawdd â phosib.
ReStart – cefnogi ffoaduriaid
Rydym hefyd yn cynnig ‘ReStart’ – gwasanaeth i ffoaduriaid sy’n darparu cyngor a mynediad at dai, addysg, arian, cyflogaeth a llawer mwy.
Dysgu mwy am REACH+
Ein cyfleodd…
Cysylltu
Cysylltwch â’r tîm dros y ffôn, anfonwch e-bost neu ewch i’n Hyb Cyflogaeth.
Hyb Cyflogaeth
37 Ffordd y Brenin (Llawr 1af)
Abertawe
SA1 5LF
01792 284450
info@betterjobsbetterfutures.wales
