Beth yw’r cymorth a gynigir?
Mae’r rhaglen yn cael ei chyflwyno drwy ddull hyblyg, sy’n cydnabod ac yn addasu i anghenion unigolion. Byddwch yn gweithio gyda Hyfforddwr Gyrfa penodol, a fydd yn gweithio gyda chi i ddatblygu a chyflwyno rhaglen gyflogadwyedd y bydd wedi’i deilwra i gwrdd â’ch anghenion a’ch amcanion penodol chi. Byddwn yn gweithio gyda chi gam wrth gam i sicrhau’r cyfle perffaith ar eich cyfer ac yn eich cefnogi cyhyd ag y bo angen ar ôl ichi sicrhau swydd, er mwyn ichi wneud y mwyaf o’ch cyfle i symud ymlaen ymhellach o fewn eich swydd.
Mae rhaglen pob unigolyn yn unigryw ac wedi’i theilwra yn arbennig ar gyfer amrywiaeth eang o anghenion ac amcanion gwahanol. Mae’r gweithgareddau canlynol yn enghraifft o’r math o gefnogaeth a gynigir:
- hyfforddi a mentora un-i-un;
- sgiliau cyflogadwyedd a chwilio am swydd;
- cymorth recriwtio a pharatoi ar gyfer cyfweliadau;
- sgiliau a thystysgrifau sy’n benodol i swyddi;
- mynediad at gymorth hunangyflogaeth; a
- cymorth gydag agweddau ymarferol megis costau teithio neu ofal plant.
Mae’ rhaglen hefyd yn gweithio’n uniongyrchol â chyflogwyr i greu a pharu unigolion gyda chyfleoedd gwaith.
Beth yw Dyfodol Mentrus?
Menter gan Goleg Gŵyr Abertawe yw Dyfodol Mentrus sy’n ymgysylltu, annog a chefnogi unigolion i ddewis llwybr gyrfa hunangyflogedig.
Mae’r rhaglen, sy’n gweithredu ar draws Abertawe a Chastell-nedd Port Talbot, yn hyrwyddo manteisio hunangyflogaeth drwy gyfuniad o weithdai cymorth a mentora un-i-un.
Mae’r cymorth yn hyblyg ac wedi’i deilwra ar gyfer anghenion penodol, ac mae’r Hyfforddwyr Cyflogaeth ymroddedig yn cynnig darpariaeth a chefnogaeth sy’n canolbwyntio ar yr unigolyn.
Astudiaethau achos
Dyma sut mae unigolion Dyfodol Mentrus wedi elwa o’r rhaglen
“Mae’r gefnogaeth a ddarparwyd i mi wedi bod yn amhrisiadwy. Dwi wedi gwneud cynnydd sylweddol o ran paratoi ar gyfer lansio fy musnes ac yn awr yn teimlo’n fwy hyderus diolch i’r cyngor a’r arweiniad a gefais yn yr Hyb Cyflogaeth.”
Becky
“Dwi’n gallu gofyn cwestiynau i chi gan wybod y byddwch chi yna i’w hateb nhw. Mae eich awgrymiadau yn ddefnyddiol ac rwy’n bendant yn teimlo’n fwy hyderus. Dwi nawr yn gweithio ar fy musnes yn wythnosol, felly diolch am eich cymorth gwych”
Anna
Darllenwch beth sydd gan ein partneriaid i’w dweud am Dyfodol Mentrus
HMP Abertawe
“Roedd gweithdy Dyfodol Mentrus yn effeithiol iawn. Yn ôl y grŵp, roedd y sesiwn yn ddefnyddiol iawn i’r rhai sy’n dymuno dewis gyrfa hunangyflogedig. Roedd y sesiwn yn agoriad llygad.
Roedd adborth yr unigolion nad oeddent am weithio’n hunangyflogedig yr un mor bositif. Roedd gweithgareddau’r sesiwn yn unigryw iawn o’u cymharu â phartneriaid eraill, ac roedd y grŵp yn hoff iawn o hyn.
Roedd y staff yn addfwyn a chyfeillgar iawn, ac roedd awyrgylch y dosbarth yn bositif iawn. Roedd y grŵp o’r farn eu bod yn gallu uniaethu’n hawdd â chynnwys y sesiwn.”
Busnes Cymru
“Mae Busnes Cymru yn falch o fod yn gweithio gyda Choleg Gŵyr Abertawe ar y prosiect Dyfodol Mentrus, sy’n cael ei ddarparu yng nghalon y gymuned. Mae’r prosiect yn galluogi unigolion i archwilio sut y gall hunangyflogaeth fod o fudd iddynt a sut y gall effeithio ar eu bywydau. ”
Cefnogi unigolion i gael gafael ar gymorth ESOL
Reach
Wedi’i leoli yn ein Hyb Cyflogaeth yn Ffordd y Brenin, mae REACH+ yn bwynt cyswllt canolog i unrhyw un yn Abertawe sy’n dymuno cael mynediad i ESOL. Rydym yn asesu pob person yn unigol ac yn eu cyfeirio at gwrs perthnasol mor gyflym a hawdd â phosib.
ReStart – cefnogi ffoaduriaid
Rydym hefyd yn cynnig ‘ReStart’ – gwasanaeth i ffoaduriaid sy’n darparu cyngor a mynediad at dai, addysg, arian, cyflogaeth a llawer mwy.
Newyddion a Digwyddiadau
Craffu ar y cyfyngiadau symud!
Gyda’r cyfyngiadau symud yn cael eu llacio, a’r Hyb Cyflogaeth…
Ailagor yr Hyb Cyflogaeth
Rydyn ni’n falch o gyhoeddi y byddwn ni’n ailagor ac yn…
Craffu ar … cyn-droseddwyr
Fel rhan o ddatblygiad parhaus ei ddarpariaeth cyflogadwyedd,…
Cysylltu
Cysylltwch â Thîm Gwell Swyddi, Gwell Dyfodol drwy ffonio, e-bostio neu galwch heibio’n Hyb Cyflogaeth.
Hyb Cyflogaeth
37 Ffordd y Brenin (Llawr 1af)
Abertawe
SA1 5LF
01792 284450
info@betterjobsbetterfutures.wales
