Beth yw GSGD i Fusnesau?
Rydym yn darparu cymorth cyflogadwyedd yng Ngholeg Gŵyr Abertawe ar y cyd ag ystod eang o gyflogwyr lleol, rhanbarthol a chenedlaethol.
Fel rhan o’r berthynas hon, mae tîm GSGD yn cynnig cymorth i fusnesau sy’n dymuno ehangu a datblygu eu gweithle presennol, gyda’r nod o recriwtio a datblygu staff o ardal Abertawe.
Cymerwch gip ar beth sydd gan fusnesau i’w dweud am y cymorth rydym yn ei gynnig
“Mar SBUHB yn falch o weithio gyda Gwell Swyddi, Gwell Dyfodol i helpu i roi cyngor i’w cleientiaid ar yr amrywiaeth eang o swyddi yn y GIG, gan gynnwys nifer gynyddol o swyddi prentisiaeth mewn amrywiaeth o adrannau.
Rydym yn edrych ymlaen at ddatblygiad y bartneriaeth yn y dyfodol a darparu mwy o leoliadau profiad gwaith a chyngor i’r grŵp cynyddol o gleientiaid.”
Ruth Gates, Prentis Arweiniol
SBUHB
“Mae’r tîm Gwell Swyddi, Gwell Dyfodol wedi bod yn wych.
Cymerodd Zoe a Daniel yr amser i ddeall beth oedd yn bwysig i’n busnes a rheoli cyfnod dwys o recriwtio ar gyfer tîm sy’n tyfu.
Roedd GSGD yr un mor effeithiol ar yr ochr gweinyddol a thechnegol, gan helpu ymgeiswyr i deimlo eu bod yn cymryd rhan yn y broses a rheoli popeth o’r dechrau i’r diwedd.
Mae’n deg dweud bod GSGD yn rhan hanfodol o’n proses recriwtio a fyddem ddim yn meddwl dwywaith cyn defnyddio eu gwasanaethau eto.”
Nick Beckett, Cyfarwyddwr
Vortex IOT
“Roeddwn i am ddweud diolch enfawr i dîm y prosiect Gwell Swyddi, Gwell Dyfodol.
Roedd y broses recriwtio’n llyfn a chymeroch chi’n holl drafferth sifftiau drwy CVs di-rif a chyfweliadau cychwynnol i ffwrdd. Roedd y ddau ymgeisydd gwnaethoch chi eu hargymell o safon dda iawn ac rydym wedi cynnig swydd i’r ddau ohonynt.
Fe ddealloch chi ein briff yn llwyr ac, wrth wneud hynny, rydym ni’n teimlo eich bod chi wedi dod o hyd i’r ymgeisydd perffaith y gellir ei fowldio.
Pan fyddwn yn ehangu, byddwch chi ar ben ein rhestr ar gyfer recriwtio yn y dyfodol.
Diolch unwaith eto.”
Danni Watts-Jones, Cyfarwyddwr
DWJ Wealth Management
“Dros y 5 mlynedd diwethaf, mae Gwell Swyddi, Gwell Dyfodol wedi dod yn brif gyswllt ar gyfer recriwtio hyfforddeion ar gyfer ein busnes. Wrth i ni recriwtio ein gweithwyr diweddaraf, fe wnaethon ni gynnig contract i 3 ymgeisydd; maen nhw wedi setlo yn eu rolau yn barod yma yn Morgan Hemp. Mae hyn yn adlewyrchiad o holl waith caled Gwell Swyddi, Gwell Dyfodol.”
Kris Morgan, Cyfarwyddwr
Morgan Hemp
Diddordeb?
Rydym hefyd yn cynnig mynediad i ystod eang o wasanaethau eraill ar draws y coleg:
Mae capsiynau caeedig ar gael hefyd. Ewch i’n sianel YouTube i wylio rhagor o fideos.
Coleg Gŵyr Abertawe wedi ei ddyfarnu fel porth gogyfer â Chynllun Kickstart Llywodraeth y DU, gwerth £2Bn. Bwriad y cynllun yw creu miloedd o swyddi newydd i unigolion ifanc ledled Lloegr, Yr Alban a Chymru.
Mae’r Cynllun Kickstart yn darparu cyllid i gyflogwr i greu lleoliadau gwaith newydd am chwe mis i bobl ifanc sydd ar hyn o bryd yn hawlio Credyd Cynhwysol ac sydd mewn perygl o fod yn ddi-waith am gyfnod hir o amser.
I bob lleoliad gwaith, mi fydd y cyllid yn talu am:
- 100% o’r Isafswm Cyflog Cenedlaethol ar gyfer 25 awr yr wythnos
- Cyfraniadau Yswiriant Gwladol y cyflogwr cysylltiedig
- Cyfraniadau cofrestru awtomatig y cyflogwr
Bydd cyllid ychwanegol (hyd at £1500) hefyd ar gael i dalu am gostau ychwanegol sy’n gysylltiedig â sefydlu, cefnogi a hyfforddiant, er mwyn ceisio helpu unigolion i symud i gyflogaeth barhaus ar ôl iddynt gwblhau eu swydd a ariennir gan y Cynllun Kickstart.
Diddordeb?
Os ydych chi’n gyflogwr sy’n dymuno cymryd rhan yn y cynllun, cysylltwch â ni:
Cysylltu
Cysylltwch â’r tîm dros y ffôn, anfonwch e-bost neu ewch i’n Hyb Cyflogaeth.
Hyb Cyflogaeth
37 Ffordd y Brenin (Llawr 1af)
Abertawe
SA1 5LF
01792 284450
info@betterjobsbetterfutures.wales
